Rata lolo

PICT0595PICT0597

    CELAN

Ratan alivana uni ine Ioro nae ira ivikarune tali he’e, ayaira nanupahe marlauhana ere ivinae e la co’one ta ira utu, tavar vahi Hihoru-Ilipere naen tala Mehara talin Iralalar, Suruvei, Laitana, ho Pa’apa’a ira naen ira utu tala hin lata mara ere.
Alivana enia co’on kaparit, tavar mau icain vacuhuci ali muaharan ukani ta le’e hirohe,
Tavar oilaci evari vane aya ta na’u mau.
Vaci muaharan un en naunop fatahara tour hin ceheranam masupai nu kar alehe la ira utu hinua, po kar lenaen marlait uni ine a Ce-Lavan tava en hai na’u lai-laite, akam hai forite hin kar tour la ira utu ia tava akam horupen la.
Tour hai na’u ukula, fatatara le’e na’e ihipar un ine a Lua lai (ine’e tein ane mas akam ta’a ) ipar en la’an tenaen ira unu hai tanimohoen nu’ucece, ira e tutun pore-poren ulafukam ira naen mau em ihocava pasike, po ihocava ia kar le’e naen lau uta.
Ivi’it it ihocava hai eceremu, ipar en tenaen la mar hira unu hai toe nu maun kar evan ira-ira/?
Ivi’it alilan muaharan unu na’e ipar en alehe neila, nar la’a ihufur im ira nacarere nu ira-ira nu mau nauvara iram ta’ate tu ihocava ira-ira, ivi’it ihocava ivinaen hai eceremu, ipar en hor ula ira unu hai tani mohoe, i hocava vili-vili unu hai hina nu ulupia haim ane em ipar mani navayamai ivi’it muaharan unu nae ipar en alehe la ira ivi mara, ihocava en hai navare tu tava ipar e nere ulupia it vili2 naen ara laku ivi lolo nere-nere ciele, la haila veraka e mucupela, ihocava o hainere la’a ira en ihainae iviit ihocava ira ehaitanimohoenu fulehen mau lenapemau.

Tava maun lenapemaun nu ira tau me, nu eme la ira em anutu, utu maunu ira ikapara it olo nae ivi heperen vahu, nu ira iraun ni utum em alaku, iviit ole ere i hai nau’uku polure ere, tava alehe la ira utu mau ile nau’uku vahu, maunu ihupata na’uuku pahale, lauluka it lenaere nau uku pahale, iviit taineta ira utun em nucece cauhualen turuken inae, ilanura it haila co’onen ira utu ere ia hai fulehe mau, maunu laite hai nanenukele, era lenanumu tu tour numu2 kayaret eta lenaen nucece, upata pahale, tava nauken tepe-tepere, ivit tour maun iholo ere navare ihira alivana e navara nar hai na’u uku polu, ivi’itu ilanura hai maun hai atane, calua a tenaen ira e utu ipo tava ita ana ira unu tanimohoe po afitapa hair la copelan ira utu ivi’it hai melan inoko imocor i acita, inokor imocor a hai nauuku navare, iviit em emerpela tavar haila ivinaen ira utu, la’a aya ira unu va’vane kar mar laiten hai molu, ira en tava haime, tava haila ira mucune, inokor imocor a anahe o aka aci, ivi;it tavar hai liaren mau matari i kaisala poko o em nita cau, i hanukai o em nitane ivi it hai sai.

Rata enen Paiuru ho Zenlai ratu ihini.
Kere fain hocava : Celso Fonseca (Rusumalai),Masipan ratu.
Lepur acamire : Estanislau Aleixo M. Correia, (Ze-sorot)Pai uru ratu
Marit Rata Lolo : Manuel Dos Santos, (Ratu romon)Zen lai ratu